इंटरनेट व सोशल मिडीया

आज जगात माहितीचा स्फोट झाला आहे, त्यामुळे कोणत्याही प्रकारचे ज्ञान मिळवणे सोपे झाले असून, माहीती ही ठराविक वर्गाची मक्तेदारी राहीली नाही, इंटरनेट व सोशल नेट वर्किंग माध्यमांचा वापर पर्यायी माध्यमम्हणून करून लोकांच्या प्रश्न एरणीवर आणणे ही  काळाची गरज ठरली आहे. आज इंटरनेट हा माहितीचा मायाजाल म्हणून समजले जाते प्रत्येक घटनेची इत्यंभूत माहिती हि या मायाजालातून मिळते आणि त्यामुळेच इतर माध्यमांपेक्षा हे वेब माध्यम अत्यंत प्रसिद्ध पावले आहे आ

णि त्यामुळे जग अत्यंत जवळ आले आहे. आज जगामध्ये सोशल मिडिया आणि सोशल नेट वर्किग या दोन शब्दांनी अक्षरशः वादळ निर्माण केले आहे. मात्र सावधान तुम्हाला जर वाटत असेल कि येणाऱ्या काळात सोशल मिडिया ला खूप महत्व प्राप्त होईल तर तुम्ही चुकत आहात कारण हि गोष्ट येउन उभी राहिली आहे एकतर तुम्ही त्यावर स्वार व्हा किव्हा त्याचा सामना करा  कारण जे बरोबर येतील त्यांना घेऊन सोशल मिडिया भरधाव वेगाने पुढे निघून जाईल आणि आपण तिथेच राहू आणि त्यामुळे आजच्या युगात या मिडिया च्या बरोबरीने काम करणे आणि त्याचा योग्य तो वापर करून विकास सध्य करणे अत्यंत गरजेचे आहे. मात्र अस जरी  असल तरी आज मोठ्या प्रमाणावर इंटरनेट, फेसबुक, टवीटर, एसएमएस, कॅमेरा, व्हिडीओ, मल्टीमिडीया प्लेयर, इत्यादिचा वापर आज प्रामुख्याने होत आहे. या सर्वांमुळे विद्यार्थ्यांच्या अभ्यासावर परिणाम होत आहे. तसेच चुकीचे व गैरप्रकार घडताना दिसून येत आहेत. या सुविधांचा समाजावर वाईट परिणामपडत आहे.फेसबुकसारख्या सुविधामुळे हिंसाचार, एखाद्याचा मानसिक छळ यासारखे प्रकार घडताना दिसत आहे. इंटरनेटसारख्या वेबसाईटवरून देशविघातक अफवांना सुरूवात झाली. यामुळे जातीय दंगली घडवण्याच्या अफवेखोरांचा डाव असू शकतो. व्हिडीओ सारख्या सुविधामुळे अश्लिल चित्रफित तयार करून इंटरनेटवर पाठवणे, यासारखे प्रकार घडताना दिसून येत आहेत. या अशा प्रकारामुळे स्त्रियांना याचा त्रास सहन करावा लागत आहे.यामुळे या सुविधावर सरकारने बंदी घातली पाहिजे. भारतात इंटरनेटवर अंशत: स्वातंत्र्य असल्याचे म्हटले आहे. तरीही आक्षेपार्ह आणि अफवा पसविणार्‍या आणि देशाच्यासुरक्षिततेसाठी घातक वेबसाईटवर बंदी घालण्याचा प्रयत्न केला पाहिजे. याचाच अर्थ असा कि आज इंटरनेट वापरणे हि जरी  काळाची गरज असली तरी त्याचा गैरवापर होणार नाही याची खबरदारी घेणे हि अत्यंत गरजेचे आहे.